اسألوني

اسألوني

طبعا انت داخل هنا علشان تعرف مين الشخص الظريف الي مش عاجبه اي منتج ولا سلعه ولا حتى خدمة وطبعا مش محترف كتابه وعنده غلطات املائية بالزوفة.

انا واحد من الناس ، فكرة الموقع ده طلعتلي لما فاض بيا من البياعين والغش الي بقى عيني عينك والعمة الي بقت بتمثلي عفريت خايف البسها لما باجي اشتري اي حاجه والتعامل بين الناس وبعضيها والشوارع المزحومه بالناس الي راكبه عربيات والناس الي مش راكبه عربيات.  كل الكلام ده فكرت اني اكتبه في الموقع في شكل مواضيع ساخره علشان ابقى حذرت الناس من شر التجربة المريره وبالنسبة للي حصل معاه موقف من المواقف دي بالفعل يبقى الكلام المكتوب ده مواساه ليه لأن في حد عاش معاه نفس التجربه وحذر الي ميعرفش.

نيجي بقى للسيره الذاتيه بتاعتي

اسمي محمد ساكن في مدينة القاهره – مصر من مواليد السعودية سنة 1980. اشتغلت فتره كبيره في مجال البرمجيات (الويب تحديدا) وعملت مواقع كتير ودلوقتي شغال في مجال قابلية الاستخدام (Usability) وليه خبره محدوده جدا في مجال التصميم (طبعا زي ما انت شفت التصميم الكحيان بتاع الموقع)

لو عايزين تتصلو بيا يا اما تستعملو الـContact Form يا اما تبعتولي على الايميل بتاع الموقع (info@es2alony.com)  ولو عندكم اي تعليق عن محتوى الموقع او اي استفسار برضه ممكن تبعتولي على نفس الايميل بتاع الموقع